Grupi i hakerëve OurMine ka hyrë në profilin e PlayStation në Twitter duke shkruar se posedon të dhënat e PlayStation Network.
Për dallim nga grupet tjera të hakerëve, të cilat shantazhonin shfrytëzuesit, OurMine u ka bërë thirrje punonjësve në PlayStation që t’iu lajmërohen.
OurMine është grup i hakerëve nga Arabia Saudite, e cila përbëhet nga “hakerë të bardhë”- ekspertë për siguri, të cilët në të kaluarën kanë hyrë në llogaritë e personaliteteve të njohura në Twitter, për të treguar dobësinë në sistem.
Në mesin e “viktimave” të OurMine po ashtu gjendet edhe njeriu kryesor i tanishëm i Google, Sundar Pichai.
PlayStation Network, rrjet i cili iu mundëson përdoruesve të PlayStation që të luajnë video-lojëra së bashku, tashmë disa herë ka qenë e hakuar dhe janë rrezikuar të dhënat e përdoruesve.
Sulmi më i njohur ka ndodhur në vitin 2011, kur për shkak të hakerëve rrjeti ishte i pa qasshëm madje 23 ditë. Në atë kohë në publik kishin rrjedhë profilet e madje 77 milionë përdoruesve.
Sony ndërkohë ka punuar në sigurinë e PSN, por duket se kjo ka qenë e pamjaftueshme.
Ndryshe, nga Sony nuk kanë konfirmuar zyrtarisht se sulmi ka ndodhur./arbresh.info/
Një i moshuar vdes në një kafiteri në Obiliq, policia nis he...
Superliga vazhdon sot me dy superduele
Të kripura apo të ëmbla në mëngjes, çfarë këshillohet
Izraeli përshkallëzon sulmet kundër Hezbollahut
Lojtarët e Bayernit të acaruar me një vendim që ka marrë Kom...
Shënohet 25 vjetori i bashkëpunimit zhvillimor ndërmjet Koso...